Your Daily News

Monu Anga Incheiin A Ruka A Lo Kawp Thin A Bialnu Pasal Neih Niah Amah Hmu Turin A Kala, An Manchhuak Hlauh

0 1,032

A bialnu a ruka a lo kawp thin pasal neih niah pa pakhat chu monu anga incheiin, a bialnu a ruka hmuh tumin a kalchhuaka, a mibumna tenawm tak chu hailan a nih hnuah inneihna hmuna awmte chuan kut an thlak zui tih hriat a ni.

Video atanga a landanin, pa pakhat hming tarlan loh chu an hnam inneihdan pangai buatsaihna hmunah mo thuam nen a lutru a, make-up nen a hmel tidanglamin sam lem a vuah tel bawk a ni.

He thil mak danglam tak hi Southern India, Badhohi a thleng niin, monu dik chu mipa dang a chhungten neihtir an tuma, a bialpa ‘Romeo’ chuan a bialnu pasal nei tur chhanchhuahdan kawng a dap niin an sawi.

Mo anga a inthuam hnuah chuan inneih chhimtute chuan an hre thei dawn lo tih ngaihtuah ran chungin he pa hi a bialnu pasal neihna hmunah chuan a ruk tein a lutru a ni. A hmaite chu hmeichhe hmaikhuhna hmangin a khuh tlat a, hmeichhe sandal leh purse-te pawh a ak tel bawk.

Vanduaithlak takin a beisei ang erawh a thleng ta lo! Inneih chhimtute chuan a khawsak danah rinhlelhna neiin an man chhuak hlauh maia, a mo thuam hlihsakin an vaw zui chiam mai a ni. Mi thahnem tak pungkhawm hmaah a lua sam lem a vuah chu an hlihsak a, mipa dik ta a ruka inneihna lo chhim ve a ni tih an hre thei ta a ni.

A khawsakdan chu ringhleltu an awm avangin an man theih phah tih an sawi a, inneihna chhimtute chuan a khawsakdan chu mak an ti hle tih an sawi. Kut an thlak hnuah Police lam an call nghal a, pawn lamah Bike a nghaktu an awm avangin rang takin a tlanchhe zuia tunthleng hian an la man thei rih lo a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!