Your Daily News

Mithi Lehkha (Death Certificate) Chungchanga Nurse Leh Doctor Inhnialbuaia An Insual Lai Video Chu A Darh Chiam!

0 1,665

India ram chu a ni telin COVID-19 natna hri a darh chho mek a, hospital tam takah chuan damloten mutna khum leh Oxygen pawh an chang tawh lo a ni. Hetiang taka natna a darh tak avang hian mi tam tak an ralkhela, damdawi ina thawktu doctor leh nurse-te tak ngial pawh hlauhna leh chungpikna in a tlakbuak mek a ni.

Hman ni mai khan Uttar Pradesh, Rampur District Hospital-ah Doctor leh nurse thawk lai chu inhmu thiam loin an 2 in beng vak vak tih hriat a ni.

He thil duhawm lo tak hi Thawhtan ni khan doctor thutna pindan chhungah thlengin, mithi chhungte pawhin nurse leh doctor an inhmachhawn dan chu mak an ti hle a ni.

Mirror Now in a tarlan danin damdawi ina thawk nurse chu doctor pindanah lutin mithi lehkha (death certificate) tichhuak turin a ngen a, an 2 hian inhnial buai nghalin Nurse chuan doctor chu na takin a beng thuai maia, doctor pawh chuan nurse chu chhang let ve nghalin na takin a beng let ve zui bawk.

Doctor leh nurse intihbuai lai video hi social media lamah a darh nasa hle a ni. Report-na in a tarlan danin Nurse chuan doctor hnenah mithi lehkha tichhuak tura a tih laiin doctor chuan ziaka dilna mumal tak pe turin a lo phut a, an inhnial zui ta a ni.

Rampur Police lamah complaint mumal tak siam a ni lo nachungin district magistrate chuan thil thlendan kimchang tak chhui a ni dawn tih a tarlang thung. Video >

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!