Your Daily News

Misual Pawl Nen Inzawmna Neiin Khaw Hran Hranah Pasal Neikualin Mo Zawnsak Man Sum An Pek Veleh A Tlanbo Leh Thin

0 221

Inneihna chu mi tam takin an ngai thutakin damchhung kawppui tur pawh an thlang uluk hle thin a ni. Mahse, mi thenkhatte erawh chuan sumdawn nan an hmang hlauh thung.

Inneihna lam hawia misual intelkhawm pawl lian tak mai India ram, Bhopal-ah an awm an tih hriat chhuah a ni. He misual pawl hian nupui neih tumte chu engkim an lo buaipui thin niin an sawia, mipa tan nupui tur zawnsakin Rs.30,000 pawisa an dila, inneihna a zawh hnu hian hmeichhia chu (nupui tana an neih) chu a tlanbo leh thin a ni.

Monu leh misual pawl mo zawnsaktute chu thawk tlang an nia hmun hran leh khaw hran hranah mo lawmna hun an hmang thin a ni. August 7, 2020 khan Bhopal khua a awm Kanta Prasad in police-te hnenah a thil tawn chu a sawi chhuak ta a ni.

Kanta Prasad hian nupui tur a zawnga, Dinesh Pandey tia koh pa pakhatin nula pangai tak a kawhhmuh thu a sawia, a chhungte hnenah pawh inhmelhriattirna neiin a chhungte pawh chuan tha an lo tihpui ve hle a ni. Dinesh Pandey chuan nupui a zawnsak manah sum Rs.85,000 phutin an pe tih Kanta chuan a sawi.

Mahse, mak tak maiin mo lawmna an neih zawh chuan monu in a chhungten harsat an tawk tih sawiin Emergency thilah a kal ngei a tul thu a sawi chhuak ta a ni. Tianga a kalbo hnu hian monu chu a chanchin hriat tur a awm tawh loh avangin police-te an hriattir ta tih Kanta Prasad chuan a sawi.

Bhopal Crime Branch-ten chhui zui nghalin misual pawl intelkhawm lian zet chu an haichhuak ta hlawl mai a ni. Heng misual pawlte hi khawdang dangah kalin hmeichhe pakhat monu lemah hmangin inneihna an buatsaiha, mo lawmna an nei ziah thin tih hriat a ni.

Heng pawikhawihna leh inbumna kaihhnawihah hian mi 8 an mana, monu lem chang thin Pooja pawh an man nghal bawk. He hmeichhia hi a hming dik tak chu Tina Dhakad niin Mandideep khaw chhuak a nih thu an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!