Your Daily News

Mipa Naupang Zirlaiin An Zirtirtupa Tuithawl Ami Tui A Insak Avangin Zirtirupain A Vawhlum!

0 1,602

Rajasthan, Jalore District, Surana thingtlang khua private sikula lut mipa naupang Indra Meghwal kum 9 mi chuan sikulah an zirtirtupa tui thawl a mi tui a insak hnuah, an zirtirtupa thinrimin kut a thlak chiam tih an sawi.

BJP MLA pakhatin a sawidanin, he mipa naupang hi July 20 khan an zirtirtupa hian a vua a, a nat deuh avangin damdawi inah dahluh niin vanduaithlak tak maiin August 13 khan Ahmedabad hospital-ah a boral zui ta a ni.

Rajasthan MLA sawidan chuan he naupang lainatawm tak mai hi hnam hnuaihnung Dalit mi leh sa a ni a, an zirtirtupa hi upper caste niin, a tui bottle hnam hnuaihnung naupangin a khawih ta mai chu thinrimin a vaw zui ta a ni a ti.

Naupang vawhlumtua puh zirtirtupa hi Police ten man tawhin, thil thlendan kimchang an chhui zui mek a ni. He vanduaina thleng kaihhnawihah hian Rajasthan Congress chief Govind Singh Dotasra, Party leader Sachin Pilot BJP Rajya Sabha MP Kirodi Lal Meena te chuan Surana khuaa chhiat tawk chhungkuate an hmu niin report chuan a tarlang a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!