Your Daily News

Mipa 7 In A Fapa Kum 5 Mi A Mit Hmuhah An Thah Hnuin Amah An Pawngsual Zui

0 2,382

Inrinni liam tak khan India, Buxar-ah nu pakhat chu a hmuh lai ngeiin mipa 7 in a fapa kum 5 mi an thahsak tih hriat ani. Tianga a fapa rawng taka an thah hnu hian amah chu an pawngsual zui bawk.

He thil thleng rapthlak tak hi pawngsual tawktu pasal kum 20 mi chuan police hnenah hriattir nghalin, mipa 7 zinga mi 2 chu a mihriatchian an nih thu a sawia, 5 dangte erawh a hriat an ni lo a tih a police-te a hrilh.

Police officer Manoj Kumar Pathak, Murar Police Station a mi sawidanin pawngsual tawktu hmeichhia leh a fapa chu bank-ah an kal tih sawiin an rawn haw hun awmah an hmel hmuh tur a awm tak loh avangin an zawng chhunzawm tih a sawi a ni.

A tuk Sunday niah mipa naupang kum 5 mi ruang chu chhungkaw member dangten tuikhuah bulah an chhar thu hriat a ni. He mipa naupang lainatawm tak hi a nu hmuh lai ngeia tihhlum anih thu an sawi a ni.

Buxar Superintendent Neeraj Kumar Singh sawidanin he pawikhawihnaa inhnamhnawih kum 50 a upa mi pakhat chu an man tawha, midangte pawh zawn mek tih a tarlang bawk.

The Times of India in a tarlan danin pawngsual tawktu hmeichhia hian tunkar chhungin Court of Judicial Magistrate lamah a statement a pek hman an beisei tih a tarlang. (Mirror)

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!