Your Daily News

Mi 4 In An Pawngsual Thu Report Tura Station A Pan Laiin Hmeichhe Naupang Kum 13 Mi Chu Police Officer In A Lo Pawngsual Ve Leh!

0 2,246

Hmeichhe naupang kum 13 mi chuan mi 4 in an pawngsual thu Police Station-ah report tura a kal laiin, a va report-na Police Officer chuan a lo pawngsual chhawng ve leh tih thuneitute chuan an sawi.

Pawngsual tawktu hmeichhe naupang pa sawidanin, April 22, 2022 liam ta khan a fanu naupang kumtling lo chu mipa 4 in thlemin an thenawm state Madhya Pradesh ah an tlanpui a, hetah hian ni 4 chhung zet an pawngsual hrawn niin a sawi.

An pawngsual zawh hnu chuan heng mipa 4 te hian hmeichhe naupang chu an chenna khua Uttar Pradesh, Lalitpur-ah an va thlah hawng leh ta a ni.

Report atanga a landanin a tukah hmeichhe naupang chu a ni in a chunga thil thleng rapthlak tak report turin Police station lam panin a zui ta a ni. Station an thlen chuan Station House Officer Tilakdhari Saroj chuan room chhungah a ko lut a, a ni hmuh lai ngeiin a pawngsual zui ta a ni.

Pawikhawihtu leh pawngsualtua puh SHO Saroj chu a thil sual tih avang hian man a ni a, Protection of Children from Sexual Offences Act (POCSO) behchhana thubuai siamsak niin thiam loh a chang a nih chuan damchhung lung in tang tura hremna pek theih a ni dawn a ni.

Uttar Pradesh a hmeichhe naupang rawng tak maia pawngsual hrawn a nih chungchangah hian Congress Leader Priyanka Gandhi pawhin state sawrkar thuneitute chu na takin a kap zui nghe nghe ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!