Your Daily News

MASK siam inelna result chu

0 388

Myanmar state counsellor Daw Aung San Su Kyi-in a buatsaih, MASK siam inelna result chu puan a ni ta.

1st naah USA a awm Dr. Eric Yang, 2nd naah Designer Myo Min Soe, 3rd naah Wai Wai tih FACEBOOK account te chuan lawmman an la a ni.

“Vawiinah hian mipui te zinga ṭang an duh ber pathum kan thlang ang. Likes hmu tam ber te zing a mi chu Health officials in an en dik hnuah kan thlang a ni” tiin Daw Aung San Su Kyi-i chuan a sawi.

Photo: Aung San Su Kyi

“Hmun hla takah awm mah ila, Pi Su Kyi-i ṭhatna leh a ram hmangaihna hi ka la hmu pha reng a ni. He ka lawmman lak pawh hi ka in chhuang tak zet a ni. Pi Su Kyi-i chungah leh min vote/Likes min pe tu mipui zawng zawng chungah ka lawm tak zet a ni” tiin USA a awm Dr. Eric Yang-a chuan a facebook page ah a lo tarlang a ni.

Chung lawmman mai piahah lawmman dang pawh Pi Su Kyi-i chuan kan la puang zel dawn a ni tiin a sawi bawk. Pi Su Kyi-i hian mahni inchhung ngei a MASK siam inelna chu May ni 13 aṭang 15 inkar khan buatsaihin inelna a tel hi mi sing 2 an chuang a ni.

He inelna ah hian Prize hi chi 4 a siam a ni a, vawiinah chuan mipui duh ber lawmman 1,2,3 thlan a ni. Chu mai bakah ‘Design nalh ber’ lawmman, ‘Mipui tana ṭangkai ber’ lawmman leh ‘Inelna a tel chhan ṭha ber’ lawmman te la sem tur a ni.

Source: 7Day TV

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!