Your Daily News

Loneitu Chuan A Fanu Doctor A Nih Ve Theih Beiseiin An Bawng Neihchhun A Tiral

0 375

Himachal Pradesh loneitute chhungkua chanchin hian social media lamah mi thinlung a hnehin an ngaihtuahna a luah hneh hle. An fanuin COVID-19 hrileng karah online kaltlanga zirna a chhunzawm ve theih nan leh nakinah doctor a lo nih ve theih beiseiin an ran neihchhun leh an chhungkaw innghahna ber an Bawngpui chu an tiral ta a ni.

COVID-19 hrileng avangin ram pumah zirna chu a tul nain a nan tak avangin Online class kaltlanga kalpui a nia, loneitu fanu chuan smartphone a neih loh avangin a thiante leh mithenkhatte hnen atangin a zirchhawn ve leh a tul thina, a fanu chuan tianga midangte kaltlanga zirna a chhunzawm thin chu a pa chuan a khawngaih thin hle tih a sawi.

A fanu dinhmun a thlirin a lainat hle a, engtikawng zawng emaw tala smartphone leisak ve chu a tum ta a ni. An chhungkaw dinhmun leh a fanu lehkha zir dan chungchang chu a thiante hnenah sawiin an lainat hle a, Rs.5,000 chu an lo puktir ve ta a ni. He pawisa 5,000, a thiante hnen atanga a puk hmang chuan a fanu chu online class kalna tur phone thar a leisaka, a fanu mai bakah an chhungkua chu an hlim hle tih an sawi ani.

Mahse, kar tam pawh a liam hmain a fanu smartphone leisakna atana a sum puk Rs.5,000 chu an lo thing leh ta nghala, a fanu rilru tihnat a duh loh avangin an Bawngpui, a hnute hralha an eizawnna atana an rin ber chu a tiral ta a ni.

Loneitu chuan “Ka fanu in nih a tum leh a rilrua a lo suangtuah fo thin doctor hna chu a thawh ve theih nan leh a lo hlawhtlin ve ngei theih nan eng thil pawh tih ka huam a ni” tiin Humans of Bombay in an kawmnaah a sawi lang nghe nghe.

A fanu chuan a tum ram thlengin, nih alo tum leh a rilrua a lo suangtuah fo thin doctor hna chu thawk ve thei ngei se a van lawmpuiawm dawn em!

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!