Your Daily News

Leilet Zâwlah Inthiar Tura A Kal Chhuak Chu Naute Hring Zuiin Nikhawhrelova A Awm Hnuah Ramsa-in A Naute A Laksak

0 491

Nu pakhat rai lai Shilpi Chauhan kum (26) mi UP a cheng chu leilet zâwlah e tura a kalchhuak chu naute a hring ta hlauh tih report-na chuan a tarlang.

Mahse, vanduaithlak takin a naute hrin erawh a pawm hman ta lo a ni. Tianga inthiar tura a kalchhuak chu nau hring zuiin nikhawhreloin a awm tih hriat a nia tianga engmah hre lova a awm lai hian ramsa in a naute chu a tlanbopui ta tih TOI chuan a tarlang.

Shilpi nau neih hun tep tawh chu a field ah a kalchhuah atanga darkar chuang lai mai in lamah a let mai loh avangin a chhungten an zawng ta nghala thisen nen a lo let reng maia rang takin private hospital lamah dah luh nghal niin a dinhmun erawh a tha thawkhat tih an sawi a ni.

“Daileng tura leilet zâwlah ka kalchhuak chu nau ka vei ta maia mipa ka hringa mahse, nikhawhrelova ka awm zui tak avangin ka chhungten min rawn zawng chhuak thuaia ka harh meuh chuan ka fa erawh a awm ta lo a ni” tiin TOI a hrilh.

A pasal Sunil Chauhan in TOI a hrilh danin an chhehvela awmten zunramthiarna leh ek in chu sawrkar puihnain an nei vek tih sawiin sawrkar lehkha pawimawh a neihte leh a awmna hmun chu a inmilh tak loh avangin ngaihsak an hlawh lo tih a sawi. A residential address leh a addhaar card chu a inmilh theih loh avangin toilet pawh an nei ta lo tih a sawi a ni.

Senior district officials- Sub divisional magistrate (SDM) Bah, Abdul Basit, Block Development officer Pinhat R K Singh te pawhin vanduaina tawktu chhungkuate chu an chenna ah va tlawh zui nghal tih hriat ani.

UP sawrkar chuan Open Defacation Free (ODF) chhungkua ah a puang zui nghal a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com