Your Daily News

Kuthnathawka Inhlawhfa Pachhe Ve Tak Chuan Rs.100 Lakchhuah A Tum Laiin A Account-ah Rs.2.7 Crore A Awm Tih A Hrechhuak

0 5,524

UP, Kanuaj District a khawsa kuthnathawka eizawng Bihari Lal kum 45 mi chuan a Bank account atangin Rs.100 lakchhuah laiin, a account-ah Rs.2.7 Crore zet a awm tih a hrechhuak.

Kuthnathawktu Bihari Lal chuan Jan Sheva Kendra, Jan Dhan account atanga Rs.100 a draw hnu chuan SMS a dawng zui nghal a, Rs.2.7 Crore zet balance a neih thu chu an lo hrilh ta a ni.

Bihari Lal chuan a account-ah sum tam tham tak mai a awm tih a hriat chhuah meuh chuan mak a tih em avangin Bank official te chu check nawn turin a hrilh a, a zawna vawi 3 lai mai an endik hnu pawh chuan pawisa chu a awm reng thova, thuneituten thil awmdan an chhui zui ta a ni.

Bank thuneituten an endik nawn leh a, engemaw electronic lamah thil felhlel a awm avangin Bihari Lal account-ah hian Rs.2.7 Crore lai sum awm angin a lo lang palh tih an hre ta a, Bihari Lal account chu khawih chet theih lohin engemaw hun chhung chu an dah zui tih manager Abhisek Sinha chuan a sawi.

A hma pawhin hetiang deuh thil thleng palh hi hriat tur a lo awm tawh a, Maharashtra lam mi Gyaneshwar Ote account-ah Rs.15 Lakh lai mai chu Bank lam tihsual palh avangin transfer palh a lo ni leh tawh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!