Your Daily News

Kum 70 Mi A Nihin A Fa Pakhatna Tur A Hring A, Khawvel Nu Zingah Upa Ber A Ni

0 671

Nu pakhat kum 70 mi a inchhal tawh chuan a fa hmasa ber tur a hring tih hriat a ni a, khawvel nu damlai zingah nu upa ber nihna a hauh mek bawk!

Gujarat State, Mora thingtlang khuaa cheng nupa tuak Maldhari kum 75 mi leh a nupui Jivunben Rabari kum 70 a upa te chu kum 45 chuang an innei tawh a, hun rei tak chhung fa neih chakin an nupa hian hun an hmanhlela mahse, an suangtuahna leh duhthusamte chu mumang ramah a chang leh mai thin tih an sawi.

Mahse, vanneihthlak takin tun thla tir lam khan IVF kaltlangin naute duhawm tak mai an inkarah a piang tih nupa tuakte chuan an puang ta tlat mai! Jivunben chuan a kum chu ID ah finfiahna neilo mahsela kum 70 chuang hret a nih a rin thu reporters te a hrilh a ni.

An mahni enkawltu Dr. Naresh Bhanushali sawidanin, Jivunben leh a pasalte chu a hnenah kalin fa neih an duhthu an hrilh a, an ni ang kum upa tawh tan fa neih chu thil theih a nilo tiin a lo chhang nghe nghe tih a sawi. Mahse, an duhthusam chu a puitling ta tlat mai a, Dr. Naresh Bhanushali pawhin nupa tuakten naute an hring ta mai chu mak a tih thu sawiin, khawvelah heng ang thil thleng hi thil vang tak a ni a ti ve bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!