Your Daily News

Kum 57 na an hmang

0 41

Kum 57 kal ta July 7 ah khan Yangon University compoundah hian zirlaite thisen a lo luang tawh thin a, hemi ni a thil thleng avang hian South East Asia a ram hmasawn ber Myanmar chuan hnung tawlh zawngin a thang a tithei mai awm e. Professor Salai Htun Tan chuan “July 7 ni a zirlaiten an lo tawn thil rapthlak tak kha tun hnuah kan tawng lo vang tih hi a sawi theih chuang lo a ni” a ti. Kum 92 laia upa tawh Salai Htun Tan chuan ‘  Captain NayWinan ram ahruai khan hmasawnna lam aiin thlakchhiatna lam a panpui tih zirlaiten an hriat khan zirlai insuihkhawm chuan ram thatna tur ngaihtuahin an pungkhawm a, chu chu NayWina sipaiten an bomb chhe zo ta a ni, hetiang thil rapthlak hi khawvel ramdangte thawnthuah pawh a la awm ngai lo’ tiin a sawi. Sapin min awp lai pawhin AungSana hovin zirlai pawl an din a, saphovin an bomb ngai lo, hetia mahni leh mahni kan in bombna chhan ber ni a ka hriat chu mahni lal ram din duh vang a ni ber mai. Kan ram kham kotlanga tla mai tawh tur chu kan chhanchhuak te an ti ta deuh deuh va, kei chuan kham kotlang atang kawlram chu a chhuih tla zawk a ni ka ti duh a ti. Hmalam hun a ram hruaitu tha lo insiam mek an lo tihchhiat avangin South East Asia rama changkang ber Myanmar hian Laos ram pawh kan level phak tawh lova, kan ram hnuaiah chuan awngphah chiah a awm tawh a ni.USA a zirlai pawl chuan an pualin ni bikte an siam a, khawvel miropuite thusawi turin an sawm a, hmuh dan in ang lo mahse kan thawk tlang zel thei tih ngaihdan an nei a, mahse keini kawl rilruah chutiang chu a awm ve thei hrih lo a nih hi. Pi Shu kyiin thil tha a ti a, a hnung lamah an lo thiahsak nghal zel a, mipui huat hlawh turin an phiar ngar ngar a, tha ka ti lo, Law lama mithiam kan nei dawn dek dek a, an that daih a, engtinnge kan than tawh ang, hetiang thil atthlak tak hi thleng tawh lo tura tawngtai chauh hi kan tihtheih chu a ni mai’ a ti.

Source’VOA’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com