Your Daily News

Kum 10 Chuang Zet A Nupui Nen Nupa Nun A Hman Tawh Loh Avanga Thinrimin A Zahmawh A Tanchhum!

0 1,059

Pa pakhat chuan a nupui pawm lai chu nupa nun a hmanpui theih loh avanga thinrimin a zahmawh a tan chhum tih hriat a ni. Uttar Pradesh a khawsa nupa tuak Ghasi Ram kum 37 leh a nupui kum 34 Manjhri Devi te chu kum 18 chuang an innei tawh a, fapa pakhat leh fanu 2 an nei tawh nghe nghe.

Zankhat chu pa ber hna thawhna hmun atanga in lama a haw chuan a nupui hnenah nupa nun hmanpui turin a sawm ta a ni. Mahse, a nupuiin a lo hnar hlawl maia, thinrim tak chungin an khum room atangin a chhuak nghal a. Choka ah chemte a la a, a nupui hmuh lai ngeiin a zahmawh chu a tanchhum hmak mai a ni.

A thinsen chu a far nasa maia a lu haiin chhuatlaiah chuan a tlusawp zui ta a ni. A nupui in a hlauhthawn em avangin an thenawma awm nupa tuakte chu a va pun nghal thuaia a pasal chu an buaipui ta nghal tih an sawi. Doctor an kohsaka a hliam chu an enkawl sak nghal a ni.

Ghasi Ram chuan, “Kum 10/12 chhung zet ka nupui nen nupa nun kan hman tawh loh avangin ka thin a rim tak zet a ni. Hmangaihna nen min mutpui duh lova, ka bulah pawh a che tla ngai lo. Nupa nun pawh min hmanpui a duh hauh lo a ni” tiin a nupui nena an inkar thu chu a sawichhuak.

A nupui ve thung chuan a pasal chu zantin maiin zu rui chungin a lo haw tih a sawi a, a ngaihdan a sawi ve pawhin a ngaih pawimawhsak duh lo a ti ve thung. A ruih reng avang chuan a nupui chu a thin a rima, nupa nun pawh a hmanpui duh lo a ti a ni. “He thil thlengah hian kei min mawhpuha, a ngaihtuahna a â zo tawh a nih hi” tiin nu ber chuan a sawi chhuak a ni.

Thubuai engmah police lamah a thlen lem loh avangin na tuar in in ah a tawm reng niin an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!