Your Daily News

Kum 1 A Liam Tep Tihah, Actor Boral Ta Sushant Singh Rajput Thihdan Chhuina Kal Zelah A Thianthaber IT Professional Chu NCB Chuan An Man Ve Leh Ta!

0 7,769

Actor boral ta Sushant Singh Rajput thiantha leh a roommate Siddharth Pithani chu vawiin ah Narcotics Control Bureau (NCB) chuan an man ve leh ta!

Agencies tam takten actor lar Sushant Singh Rajput thihna an chhuichianna kal zelah kum 1 a liam dawn tepah NCB chuan Actor Sushant Singh Rajput thiantha Pithani chu an man ve leh ta a ni. Actor lar hi June 14, 2020 khan a chenna inah thia hmuh a nia, a thihdanah hian sawi a tam hle a vawiin ni thlengin thudik hriat theih a la nilo ani.

Thuhretuten an sawidanin, Mr. Siddharth Pithani hi actor thih laia an chenna in Mumbai a mi 4 lo awmte zinga pakhat a nih thu an sawia, actor Sushant Singh hi a room-ah thia hmuh a ni nghe nghe. Pithani hi tukin khan anti-drug agency NCB chuan Hyderabad-ah an man tih an sawi.

A hmain NCB chuan Sushant Singh Rajput thihna kaihhnawihah hian May 7 khan Hemant Shah alias Maharaja chu Goa-ah an lo man leh tawh a, amah hi damdawi ruihtheih pe chhawngtu niin actor thihnaah inhnamhnawihna a neih leh neih loh chhui zui mek a ni.

IT Professional Siddharth Pithani hi actor Sushant Singh Rajput nen hian an inzui ngawrh hle a, a thih lai pawha awm ve a ni bawk avang leh damdawi ruihtheih lam kaihhnawihah amah ngei pawh chhui mek a nih bawk avangin NCB chuan an man ta a ni. Engpawh chu nise, actor thihdan chhuichhuah chu thil awllai a ni lo phawt maia, hun in hril turah ngai ang!

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!