Your Daily News

Kuhva man aiah a nunna

0 152

Yangon, Chauh Tan twonshipah kuhva man an indil a, mi pakhat a thih phah a ni tiin Yangon region policete chuan an sawi.

April ni 5 zan 10:22 pm velah khan Lanmahtaw kawnga ‘Beer nula’ dawr kawtah Khin Maung Chhu an tih chu a nghawngah chema chiuva thi chu an hmu a. Policeten an han chhui chian chuan a ruang awmna bul lawka kuhva zuar Kyaw Hana chuan a that tih an hmu chhuak a ni.

Khin Maung Chho hian Kyaw Hana hi kuhva man 6000 kyats a ba a, chu chu Kyaw Hana hian a dil a, Khin Maung Chhu chuan i pawisa dawn i duh chuan mi zui rawh a ti a, Kyaw Hana pawh chuan a zui ve mai a, thui vak lo an thlen chuan ‘hei le 6000 chu tiin Khin Maung Chhu chuan a chemin a bei ta a, Kyaw Hana kut zungte chu a vai fuh a, a thinrim chuan a han beih leta, a nghawngah a vit ta a, Khin Maung Chhu chu a thi ta a ni.

Dan angin policeten Kyaw Hana chu an zawnga, April ni 5 zan 11:50 pm ah an man ta a ni.

source’mizzima’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!