Your Daily News

Khuaah COVID-19 Avanga Thi A Nupui Ruang Hal An Phalsak Loh Avangin Putar Kum 70 Mi Chuan A Nupui Ruang Cycle In A Vahvaihpui

0 3,833

Putar kum 70 a upa Tilakdhari tia koh Uttar Pradesh, Jaunpur, Amberpur khaw mi chu a nupui COVID-19 natna avangin a boral tih hriat a ni. Khawmite chuan COVID hri an hlauh em avangin a nupui ruang pawh chu tualchhung hnaivaiah hal an phalsak lo ani.

Putar chau tawh tak chu a nupui halna hmun tur dapin khua a chhuahsana, Cycle in a nupui COVID-19 avanga boral ta chu a vakvaihpui nasa hle niin an sawi. Tualchhungah a nupui ruang hal an phalsak loh chhan pawh natna hrik kai an hlauh vang a ni.

Putar in a nupui ruang Cycle a a phurh lai thlalak chu social media lamah a darh nasa hle a, thil thlendan chu tualchhung Police-ten lo hriain Putar lainatawm tak chu a nupui ruang halpuiin an puih tih NDTV chuan a report a ni.

Amberpur khua hi Uttar Pradesh a awm niin, an state khawpui ber Lucknow atangin 275km a hla ani. Putar Tilakdhari nupui hi sawrkar damdawi inah COVID-19 avangin a boral tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!