Your Daily News

Kawngpuiah Kal Paha Midang Nena Inbia Nula Phone A Ruksaka, A Phone Ruk Neitu Nen An Intawn Leh Meuh Chuan!

0 1,854

India ram khawpui pakhatah nula pakhat chu kawngpui zawh a kal pah chuan phone hmangin, midang nen an inbia a, hetih lai hian tlangval pakhat chuan a hnung lam atangin 2 wheeler in a zuiru a!

Mipui an rehna lai deuh kawngpui sirah chuan nula phone chu 2 wheeler khalh chungin a laksak a, nula chu leicharah a namthlu zui bawk a, a tlanchhe zui ta ani.

Nula lainattu mi thenkhatte chuan lirthei nen rukru chu an um zui ve nghal a, thui fe an um hnu chuan phone rutu chu an man thei ta hram a ni.

Phone rutu chu nula awmna lamah an letpui leh a, misual rukru mantute chuan phone neitu hmeichhia hnenah rukru chu tunge a nih tih leh a mi hriat zawng a ni em tia an zawh chuan, nula chuan, “Aw hrie e! Ka bialpa a ni a” tiin a chhang zui a, thil awmdan cui mak an tiin an hrilhhai hlawm hle tih an sawi.

Tlangval zawk chu vawi khat hnih a hmaiah an beng a, inngaizawngte inkar buaina a ni tih an hriat hnu chuan an 2 in an kalsan leh ta a ni.

He video dangdai tak hi Instagram lamah ‘hyderabad_merejan’ chuan a shared a, a caption-ah “A tawpna chu rinphak bak piah lam daih a ni” tiin a ziak a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!