Your Daily News

Kawlphetha man bithliah a la ni lo

0 514
Kawlphetha man bithliah a la ni lo

December 16, 2017-a prime minister Narendra Modi-a’n a hawn tâk Tuirial Hydro Electric Power Project aṭanga kawlphetha siam chhuah aṭanga Mizoramin kawl­phetha a leina man tur zat tihfel a la ni lo.

Power & Electricity depart­­ment hotute hnen aṭanga thu dawn dan­in, Tuirial HEP-in kawl­phetha a siam chhuah tur zinga 12% (megawatt 7.2) chu Mizoramin a thlawnin a chang dawn a, 1% chu a chhehvel khuate tihhmasawn nan hman a ni ang. A bak zawng chu Mizo­ram sorkarin a lei dawn a ni.

Mizoramin kawl­phetha Tui­rial HEP aṭanga kawlphetha a leina man tur zat tihfel a la ni lo a; Mizoram sorkar leh sorkar laipui hnuaia subsidy pe theitu Power Ministry leh DoNER-te nen subsidy chungchangah indawr mek a ni a, thutlukna siam a nih hnuah thla ruk chhung hman tur, Provisional Tariff Rate siam phawt a ni ang.

Provisional tariff rate hman chhungin Tuirial HEP siam­tu NEEPCO chuan Cen­tral Electricity Regulatory Commission (CERC)-ah tariff rate tur rawtna a thlen ang a, chu chu Mizoram sorkar nen sawiho a nih hnuah CERC-in unit khat zela Mizoram sorkarin a leina tur rate a bithliah dawn a ni.

Tuirial HEP aṭang­a kawl­phetha siam chhuah hi Mizoram chuan December 16, 2017 aṭang khan me­ga­­watt 30 vel a dawng ṭan a, Bâwktlang, Kola­sib-a 132 KV Sub-Sta­tion-ah pek luh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!