Your Daily News

Kawl sipaiten khua an hal

0 50

Rakhai ram Yatihtawng biala Amiattawng khua chu Myanmar sipaiten July 5 khan an halsak ta a ni tih a khawchhungmite chuan an sawi. Hemi khua atang farlong 6 vela awm tlangdung velah chuan Myanmar sipaite leh AA te chu darkar chanve vel an inkah hnuah chuan Myanmar sipaite chu hemi khuah hian an rawn lut a, an hal ringawt mai a nih chu. Hemi khaw halah hian in 11 vel a kang ral a, Yatihtawng biala parliament member U Khin Maung Lat chuan ‘mihring an hmuh lohna in chu an hal mai a, inkah hlauva an tlanchhuah a ngai bawk si a, heng thil hi chu a dik lo a ni. Human right an zahlohna an lantir a ni a ti a, mahse sipai lam thusawitu pakhat WinZawOo chuan kan hal lo, chumi hmunah inkah pawh a awm lo tiin a sawi hlauh.

Source’DVB’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com