Rohingya Muslim namte chu nuai chimit tuma beitu Myanmar sipai hruaittu Min Aung Hlainga chung thu ngaihtuah a hun tih Yang Hi Lee chuan Bangladesh khawpuia mediate a kawmnaah a sawi. Hei hi Thailand leh Bangladesh rama Rohingyate a tlawh hnua a sawichhuah a ni. Rakhai state chhunga Rohingya hnamte chungchangah Min Aung Hlaing hian mawhphurhna a lak a ngai a ni a ti.
Hei hi Miss Yangin mipui hmaa Min Aung Hlainga khing tura a sawichhuah hmasakber a ni. Bangladesha raltlan Rohingyaten ni kum a UNO enthlatute hnenah Myanmar sipaite chet dan dik lo leh, mi an thahte an thlen a, chung enthlatute chuan Min Aung Hlaing leh a dang sipai lal pangate chungah hrekna neih an phut a ni. Myanmar sorkar chuan Rohingyaten thu an thlen dan anga thil an tih lo thu a sawi.
Yang Hi lee chuan heng Rohingya refugeete hi an awmna a thawn haw an nih hma ngeiin thil tisualtu hi hrem hmasak ni ngei se a ni. Pawikhawih chingte kan hrem hmasak loh chuan hengmite hi hawng leh mahse a hmasa aia nasa tihduhdahna an chungah a thleng leh thei a ni a ti.
Yangi chuan Myanmarah hian democracy hian hmun a chang tak tak em aw tih hi ka ngaihtuah na sa a ti. Zalen taka thusawi pawh a theih tawh lohva, a hma aiin chanchinbumite pawh hrek an hlawh zawk a ni. Bangladeshah Rohingyate tlan tir tur hian a hmuna awm mifirfiakte leh securityten inrawlhna lian tak an nei tih a sawi bawk.
Rakhai state hmar lama human right bawhchhiah a nih leh nih loh enthla turin ni kum September khan UNO chuan rem a ti tawh a, ICC international danna rorelpawl pawh in Rakhai rama thil awmdan dik tak chhuina chu nei tan turin a remti tawh tih a sawi.
source ‘VOA’
