Your Daily News

KAREN SENTE KAWNGZAWH CHU POLICETEN A TAWK DARH

0 98

Kaya state ah Aungsana lim an dah chu an duh dan a nih loh avangin mipui 1000 rual chuan vawin khan kawng an zawh leh a, mahse Policete rubber bulletin an kapa an tidarh thei ta a ni an ti. Karen sen Khun Thomasa sawi dan chuan mi 15 vel an inhliam a ni a ti. Heng hliam tuarte hian anmahni karesente zinga damdawi thiamten an enkawl a ti. Ni 9 khan kawng zawh phalna kan dil tawh a, mahse min pe duh lo a ni a ti.

Vawin zing khan mipui 2000 rual vel chuan kawng pathum kan zawh a, Aungsana lim awmna lam panin kan kal a ti. Policete chuan ding turin min ti a,, mahse kan duh bik si lova, min kap ta mai a ni a ti.Karen sen thalai hruaitute chuan Aungsana lim hi an rawn dah hma atangin kan remtihloh thu kan hrilh tawh, chumi avang pawhin kan thalaite 50 an hreng tawh tiin Thomas chuan a sawi.

Tunah pawh thalai 20 velin Aungsana Lim dah bo tur leh Kaya state chief minister bang rawhse tiin an duhdan an pho lang meka, a sir velah Kaya mipui 2000 velin min thlawp bawk a ni. Silai leh hmanrua engmah kan keng lo, kan duh mi chu inbiak hi a ni an ti.

source ‘BBC’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com