Your Daily News

Kanpur Mipa Naupang Kum 7 Mi Chu Spider-Man Ang Maiin Banga Lawn A Hnehsawh Hle

0 2,784

Kanpur (UP)-a cheng mipa naupang kum 7 mi chu Merval superhero Spider-Man ang maiin banga lawn leh chettlat vel chu a tham lo tak zet.

Spider-Man nena danglam hmuh har tak Yasarth Singh Gaur kum 7 a upa, pawl 3 zirlai sawidanin thil dang puihna tel miah lova banga lawn chu Spider-Man movie a en atangin a tuichho tih a sawia, “Spider-Man movie ka hmuh meuh chuan amah anga banga lawn vel chu ka chak tak zet” tiin a sawilang nghe nghe.

A tir lamah chuan banga a lawnin a tla fo tih a sawia, vawi engemaw zat a lawn chhunzawm hnu chuan a thiam nal ta viau niin a sawi.

IPS Officer nih tum ngat, Yasarth Singh hi a tir ah chuan a inhliam palh hlauhna avangin a chhungten bangah lawn fo lo turin an hrilh nghe nghea, nitina a tih chhunzawm tak hnu chuan a thil tih chu a tui niin an hriaa, an hau duh ta lo a ni.

“Bang atanga tlakthlak chu ka hlau der lo, ka tawlh thla palh a nih chuan ka zuang mai dawn a ni” tiin a inring tawk takin a sawi nghe nghe a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!