Your Daily News

IYAWADY RIVER CHU KAN TA

0 644

Iyawady lui hnara China tuikhuah chu chhunzawm tur anga thuthang a lo awm chuan Myanmar mipuite rilru pawh a bilh a tho tha leh hle mai. Iyawady division khawpui Pateiah January 28 Thawhtan khan mipuiten China tuikhuah project an duhlohna an lantir a, Sundayah pawh khan Yangonah duhlohna an lantir a ni. Iyawady, Pagu leh Makueah-te duhlohna lantir turin an inruahman mek tih a ni.

Hemi tuikhuah project hi China ram CPI company ta a ni a, 2018 September khan China Ambassador chuan Kachin rama mipuite tlawhin tawmpuina a zawng. Tin president U Theiseia huna an chawlhtir tak mah nise China sorkar chuan ramdanga sumlu a siamah hian he tuikhuah hi a sawitel avangin hlauhthawnna a san phah a ni. Chuvangin Peace Myanmar website huaihawttute chuan Makue, Pago leh Iyawady division chhunga township 20 atanga mipuite duhlohna hming sign chu lakhawmin China Communist sorkar hnenah lehkha kan thawn dawn tih a sawi.

Iyawady tuikhuah hi an tihpuitlin chuan he lui hi a thi dawn a ni. Hemi lui ber a thih chuan amah avanga khawsa leh nung Myanmar mipuite min tichhe vek dawn a ni. Tin hemi lui hi kan nunna a ni, kan nunna chhat duhtu chu engtinnge ka en mai mai theih ang? Iyawady divisionah township pariat, Pago divisionah township pasarih leh Makue divisionah twonship panga belh 20 atanga duhlotute hming sign kan neih chuan Pi Shu office, Parliament office, UNO,Myanmar china Embassy leh china communist partyte kan thawn dawn a ni a ti.

Iyawady lui hi China leh India atanga rawn luanglut a ni lova, kan ram chhunga piang, kan ram chhunga luang a ni a, kan ram mipui million 54te ta a ni. Hemi project kachin unauten an thlawp lo hi kan lawm, kachin unauten lo thlawp pawh ni se, an thlawp vanga lo thlawp tur pawh a ni ker lo. China sorkar hlauva khawsak reng hi kan ning. Hemi tuikhuah hi chhe palh se kan ram mi leh saten kan thih phah dawn a ni a ti.

He project hi 2006 December 28 khan Myanmar, No (1) Ministry of Power leh China Power Investmentten inremna an siam.

source ‘VOA’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!