Iyawady lui khuah chungchangah lungawilo an tam avangin tih danglam dan kan ngaihtuah dawn a ni tiin sawrkar hruaitute chuan an sawi. Mahse boruak lam zirtute chuan he thil hian leilung leh boruak nasa taka a siam danglam dawn avangin bansan tur a ni an ti.
Hemi tuikhuah hi kan tite dawn nge? a hmun kan sawn dawn nge? a nih loh leh tuikhuah aiah thil dang duhsakna kan hlan dawn nge? kan ngaihtuah ang tiin foreign investment minister U Tawng Htun chuan Nipyidawah mediate hnenah a sawi. U Thei Seina lal lai 2011atanga an chawlh tir tawh dollar 3.6 billion man chu China sawrkar chuan chhunzawm a tum thu a sawi lang.
Boruak zirtuten hemi lui hi khuah a nih chuan hemi luidunga khawsate tan harsatna a siam sak thei tih an sawi a, U Tawng Htuna chuan hemi tuikhuah hnuaiah hian lirnghing kawng a awm a, tuikhuah vanga tuiin a chim chin tur pawh Singapore ram let hniha zau a ngai dawn a, a chhehvela khawsate tan a tha lo tih a sawi.
Tih tette, a hmun sawn te aimahin tih loh a tha, a chhan chu hemi tuikhuah chungchanga inremna hi engnge a nih pawh vawin ni thlengin mipuiten kan la hre lo tiin a duhlotute chuan an sawi.
source ‘VOA’
