Your Daily News

IPS Officer Sawnchhuah Tharin Thawmhnaw Pangngai A Hak Laia Amah Hrelotu, A Hnuaia Hnathawk Hremna A Pekdan Chuan Sawisel A Hlawh

0 4,754

Hmeichhe IPS, Aishwarya Dongre chu Deputy Commissioner of Police (DCP) atana lakluh a ni. Kerala, Kochi-ah hmanni lawk khan sawn a nia, Office a luah veleh a chetdan chuan mite sawi hlawh hle.

Chawlni liam ta ah khan Dongre chu civil dress a inthuamin, hmeichhe police station a tlawh a, a hnuah a kiang awm North Station a tlawh tel nghal tih an sawi. He hunah hian faina lamah an dinhmun a enfiah nghal bawk.

Officer lian tak a ni nachungin hemi ni hian uniform aiah thawmhnaw pangngai a ha tih an sawi a, a hnuaia thawk Civil Police Officer (CPO) hmeichhia tho chuan an hotunu a ni tih a lo hre bik lo ni ngei tur a ni. An Office kawtah COVID-19 danin a phut angin IPS Officer Dongre chu a lo tiding a, a thil tih tumte chu a lo zawt ta a ni.

IPS Officer chu a thinrim hle a, a motor avang tal pawhin IPS Officer a ni tih a hre tur a ni tiin a vuivai tan ta a ni. Hmeichhe CPO chuan a hriatchian loh avanga ngaihdam a dil hnu pawhin insawifiah turin thu a pe zui ta bawk.

CPO chuan an hotunu chu civil thuama a awm avang in a hre mai lo tih a sawi a, COVID-19 danin a phut angin Office kawtah a lo dang ta mai a ni tih sawiin, a insawifiahna chu a duh tawk lova, mahni hotute zahlo leh inthlahdah ah puhin Traffic Duty ah ni 2 chhung tantirin hremna a pe zui tih an sawi.

He thil thleng avang hian The Kerala Police Association chuan Home Department lamah IPS Officer chetdan chu complaint an thehlut ve nghal tih an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!