Your Daily News

Inkharkhip Dan Bawhchhiaa Puh Pafate Chu Police-ten Saruaka Dahin Rawng Taka Sawisakhlum An Ni

0 477

P Jayaras kum (59) mi leh a fapa J Fenix-te hi Tuticorin district, Tamil Nadu statea khawsa an ni. Hriat tawh angin Tamil Nadu ah pawh Covid-19 hrileng avangin curfiew puan a nia, an pafa hian dan bawhchhiaah puh an ni tih an sawi.

An sawidanin an mobile nepnawi zawrhna dawr chu June 19, 2020 khan zantlai tak thleng hawng anga puh an nia, an pafa hian Sathankulam police ten an la zui ta a ni. Police-te kuta an awm lai hian tihduhdah leh ngaihsak an tuar nasa hle tih sawiin June 22 khan Fenix chu a thi tih hriat a nia, a pa pawh June 23 khan a boral zui ve leh ta bawk.

He an na tuar lai video hi tualchhung songwritter, Suchitra chuan Instagram lamah pholangin an 2 hian an khup ruh an chhusawma, an hmaite chu bangah tauhin, an hnungzangte chu thi a chhuah hmaloh na taka hlap an ni. An zahmawh thlenga khawihchhiatsak an ni.

Hei bakah hian an fapa hian an thawmhnaw hlihsakin saruak ngal ngatin tan in ah namluh an ni. An âwm hmulte chu hlehbulsak an nia, an kawr hak lai thisen kaihuh hnuang mai chu in lamah inthlak tura tih an ni. Tiang hian ni 2 chuang Magistrate hmaah inlan turin police-ten an kawl hnuah an pafain an thi tih puan a ni ta a ni.

He thil thleng hian mipuite thinrimna chawkthoin hemite pafa hian rorelna dik an hmuh ngei theih nan Twitter kaltlangin milar thahnem takin an thinrimna an au chhuahpui a ni.

Tunah hian police 2 ban an ni tawha a then an awmna sawn an ni. Mahse, hei hian mipui thinrim a tudai mai lova rorelna dik an hmuh ngei theih nan hma la turin thuneitute an phut tlat tih an sawi. A rapthlak tak zet a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com