Mi hausate hnuaia hnathawh hian hlawkna tam tak a keng tel kan ti thei awm e. Kan rama hna chhuanawm lem lo taka kan ngaih driver hna pawh hi eizawnna tling hna tha tak a ni. India rama pahausa tak Mukesh Ambani Driver sum lakluh phei hi chu nep lo tak a ni.
Ambani bakah hian heng milar Salman Khan bodygaurd, Taimur nau awmtu etc… te hlawh thleng hian mite mak tih leh hahip a sawi a tling.
Reliance Industries Chairman ni lai mek Mukesh Ambani hi khawvela pahausa lawrkhawm zingah a 4-na dinhmun hauh mektu a ni a, a zawnin kum 13 chhung zet India ramah bik pahausaber nihna a hauh mek bawk a ni. A in sak Antilia phei chu khawvel huapa in ropui leh manto tia sawi tham a tling a ni.
Hmanni lawk khan Mukesh Ambani driver-in thla 1 a sum a hailuh zat chu video kaltlanga thehdarh a ni a, he video hi Internet lamah a darh zui tih hriat a ni. Ambani driver tura test paltlang tawh chuan thla 1 ah cheng nuai 2 zet a hlawh pha a nih chu!
Mahse, hetih lai hian Ambani driver nih chu thil awllai tak a ni bik lo, hemi atan hian private companies lamah contract provide an ni a, an ni hian training an lo pe thin a ni. Driver te hi thlan an nih hnuah test thahnem tak an paltlang leh a, an tha tawk tia driver atan lak an nih hnu chuan Rs.2 Lakhs zet an hlawh phak a ni.
