Your Daily News

Indian Actress Boruak Ngah Tak Kangana Ranaut In Ganga Luia Mithi Ruang Thahnem Tak Lo Lângchhuak Chungchanga A Thusawi Hian Mi Beng A Verh!

0 1,543

India ram chu COVID-19 hrileng mek, second wave avangin nasa takin kan buaia, a nitelin mi sang tam takin an nunna an chan mek bawk.

Hetih lai hian mithi ruang thahnem tak Ganga luia lo lâng chhuak hmuh an nia, mi tam takin he thil thleng lungchhiatthlak tak hi Online lamah an sawi huai huai mai a ni.

He thil thleng, India ram tan pawha thil mualphothlak tak chungchang ah hian Indian actress lar leh boruak ngah ber pawl Kangana Ranaut chuan tawngkam rawn nei lehin, Ganga luia mithi ruang lângte hi Nigeria rama atang lo lut an ni tih sawiin he a tawngkam hian mi beng a verh hle a ni.

Hmanni lawk khan report atanga a landanin Uttar Pradesh leh Bihar district hmun thenkhat atanga mithi ruang ni ngei a rin mi thahnem tak chu Ganga lui chungah an lâng nasa hle a, heng mithi ruangte hi COVID-19 positive avang thi an nih ngei rin a ni.

Kangana Ranaut hian a hma pawhin thil intu lo leh mite beng verh tak tak tawngkam a lo chhakchhuak fo tawh a, a hmui pan manah sawiselna pawh a dawng nasa tawh a ni.

Tun tuma Israel-Palestine buainaah pawh tawngchhuak lehin, “Hel pawl rilruputute hnen atanga i ram chhanhim chu ram tinte dikna chanvo a ni. India stands with Israel” tiin a ziak lang leh ngat a ni.

A thusawiah Nigeria ram a sawilanna chhan leh engtiang chiah in nge mithi ruangte hi India ram lui pakhat Ganga ah an lo tawlh luh tih chu a sawilang lem lo a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!