Your Daily News

Hmeichhe Tleirawl Kum 16 Mi Chu Amah Pawngsualtu Mipa Nen Hruiin An Hling Kawpa Khawlaiah An Hnuk

0 1,788

India ram hi hriat tawh angin khawvel dangte nen khaikhinin hmeichhe naupang kumtlinglo pawngsual hluarna ber ram pakhat a ni ti ila a dik mai awm e.

Madhya Pradesh, Alirajpur district-ah hmeichhe tleirawl kum 16 a upa chu amah pawngsualtu nen hruiin an hling kawpa, khawlaiah mipuiten zuiin kut an thlak bakah an aukhum nasa hle.

Mipa thahnem tak chuan “Long live mother India” tia au in, kawngpui vaivut zingah an hnuk phei dawrh dawrh mai a ni.

Tualchhung media tarlan danin he hmeichhe tleirawl leh amah pawngsualtu mipa tizak tur leh khawlaia zahthlak taka hnuk phei tur hian a chhungte chu ruahmanna engkim siamtu an nih thu a tarlang.

Thlalaka a landanin tleirawl kum 16 mi chu vaivut zingah a thua, a hnungah mai chuan amah pawngsualtu mipa chu a thu ve bawk. An 2 hian hruiin an hling kawp a, mipuiten hualin mi pakhat chuan a luah a tum vak vak mai a ni.

Police-te chuan he thil thleng hi an hriat veleh hma an la nghal a, he thil rapthlak thlenga an mi rinhlelh mi 6 an man bakah pawngsualtu mipa pawh an man nghal bawk. Pawngsual tuartu hmeichhe tleirawl erawh an chhuah zalen nghal tih hriat a ni. He thilsual tihnaa mawhphurtute leh pawngsualtu mipa kum 21 a upa te chu thubuai siamsak an ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!