Your Daily News

Hmeichhe Police Huaisen, Minister Fapa Dikna Avanga Hmachhawn Ngam Chuan A Hna A Chawlhsan

0 3,350

Kan ram, India ramah hian miliante milenna ‘VIP culture’ chuan hmun a chang renga, a bikin vairam angah phei miliante a lian em em ringawt mai a ni.

Sawrkar hnathawk tam tak milian leh mi thil tithei hnuaia an kun lai leh mi tlawn lungawi an tum laiin Gujarat hmeichhe police constable huaisen, Sunita Yadav erawh a zam hauh lo thung.

Sunita Yadav hian police a nihna anga zan lam curfew-na hmuna a duty laiin Gujarat minister of State for Health, Kishore Kanani fapa nen an inhmachhawn ta rap mai a ni. Yadav hian Prakash, Minister fapa leh a thianten lockdown dan an bawhchhiat avang leh checkpoint ah face mask an hman loh avangin an inhnial buai ta a ni.

The Indian Express in a tarlan danin hmeichhe police Yadav chuan dan bawhchhiate chu an motor chabi a laksaka dan bawhchhiate zinga pakhat chuan minister fapa Prakash a koh ta a ni. Prakash chuan minister fapa anih thu Yadav chu hrilhin a thiante puih turin a lo kal tiin a vin vak vak tih an sawi a ni. Minister fapa hian a pa motor a khalh chu a banner a la thla nghe nghe a ni.

MLA fapa Prakash chuan Yadav hnenah chapo takin “Kei hi minister fapa ka ni, helaiah hian ni 365 chhung ka tiding thei che a ni tih hria ang che” tiin a vau nasa hle a ni. Yadav thinrim chuan na taka chhang letin an chhiahhlawh a nih loh thu leh an pafa avangin a duty-na hmunah 365 chhung a din theihna dan a awm lo tiin a chhang let zui ve bawk.

Yadav chuan Varachha police station inspector call in thil thleng chungchang chu hriattirin a rinloh lamin a duty-na atanga inthiarfihlim turin a lo hriattir ta thung tih an sawi.

He minister fapa nena an inhmachhawn lai video hi a darh nasa hle a, Yadav chuan an kalphung tenawm leh dik lo tak avangin a post atangin banna a thehlut zui ta a ni. A chhuanawm hle mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!