Your Daily News

Hmeichhe Police Constable Huaisenin Thla 3 Chhungin Naupang Bo 56 A Chhanchhuak, A Nihna Kaisantir A Ni

0 291

Delhi police, hmeichhe head constable Seema Dhaka chu thla 3 chhung leka naupang bo 56 zet a hruaikir leh theih avangin promotion hun thlen hma a nihna kaisang hmasa ber a ni tih Nilaini khan offials lam chuan an puang.

Tunah hian Dhaka hi Samaypur Badli police station-ah district daifem lamah post a nih thu an sawi.

August 7, 2020 khan Delhi Police Commissioner S N Shrivastava chuan a hnuaia thawk, Constable leh head constable-te hnenah thla 12 chhungin naupang kum 14 hnuailam (mi 15 tal chu kum 8 hnuailam ni thei se) bo mi 50 chhanchhuak thei apiangte hnenah hnathawh that lawmman a tiama, heng zingah hian a hun hmaa promotion pek pawh a tel a ni.

Seema Dhaka hian naupang bo mi 76 zet thla 2 leh a chanve chhungin a chhanchhuak hmana, an zingah hian mi 56 chu kum 14 hnuailam an ni nghe nghe.

He a hnathawh ropui tak avang hian S N Shrivastava, Delhi Police Commissioner chuan CS Seema Dhaka chu Assistant Sub-Inspector-ah kaisantir a ni tih thu Twitter kaltlangin a tarlang.

Naupang bo zawng tur hian India ram hmun tam takah a zin kuala Punjab, UP, Gurgaon, Noida leh West Bengal-ahte 2013 leh a hnu lama naupang bo report an dawnte chu a zawn hna a thawk a ni.

Heng naupang bote zawn chhuah hna a thawh lai hian hreawm tam tak a paltlanga, tuilian leh riltam pawh ngaihtuah hman loin theih tawp a chhuak a ni. A fapa kum 8 mi chu in lamah a kalsan tih a sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!