Kawlram sipaite chuan ram chhung helpawl nena inkahhai dan an siam chu helpawl thenkhatten an bawhchhia a, zawm hram hram turin a ngen. Remna hi in duh tak tak a nih chuan December 21a Myanmar sipaiten inremna dan kan lo zam tawh angin dawhkanah i sawiho ang u an ti.
Inkahhai leh kumkhuaa inremna dan chu 2018 January 21 khan Myanmar military Defense head office atang thu an chhuah a ni. Hemi thuchhuah an siam atanga thlakhatnaah chuan KIO kachin helpawl leh Myanmar remna ngaihtuahtute NRPC chuan inbiakna vawi khat an nei hman a, KNU,KNPP leh RCSS nen pawh vawi khat theuh an in hmu hman a ni.
Myanmar sipaipawl chuan January 25 ah thu 9 an chhuah leh a, a pawimawhber chu a tawpah an dah. ‘Inremna hmu thei tur hian a rang thei ang bera sawihona nei turin kan ngen a ni’ tih a ni. Remna kawng kan zawh theihna tura kan inhmuh hun chhung a tan thla li kan hawnga, tun hi thla khat chu a zo der tawh a ni, hmun li athen hmun thum chauh a awm tawh. Hemi thla khat chhunga helpawlte hmalak dan hi kan duhthu a sam chiah lo. Sipaipawlin inremna rel tura palai 8 kan dahte, a nih loh leh NRPC sorkar palaite tal rawn kawm se la a tha tur a ni a ti.
Kan inremna dan a number 5,6 leh 7 hi hming sign tawh helpawl leh hming sign duh lo helpawlte pawn an bawhchhia. Thla khat chhung hian helpawl anmahni leh mahni vawi 13 an inkap,vawi 168 ramri pelin an che,tihluihnain vawi 10 pawisa an khawn,vawi 20 zet sipai thar an khawm,sipaite vakvel vawi 10 a rukin min kap, land mine vawihnih a puak tiin sipaite chuan a tar lang.
source ‘VOA’
