Your Daily News

Freezer Bawm Chhunga Mithi Ruang An Dah Chu Darkar 24 Hnuah A Nung Leh

0 849

India ram, Tamil Nadu-ah putar pakhat chu a chhungten a thi tawhah ngaiin a ruang chu freezer-ah an dahtha tih hriat a ni.

Balasubramanian Kumar kum 74 mi chu a damlo na hle a, Thawhtan ni khan Kandhampatti-ah a thi tih puan a nia, a ruang chu vuina hun hnuhnung neih hma atan Freezer bawm langtlang chhungah an dah tha ta a ni.

Freezer bawm chhunga a ruang an dahthat chu darkar 24 hnuah an va en leh chuan a thilo tih an hre leh ta a ni. A ruang an enchian hnu chuan a thawk a lak bakah a khur der der tih an sawi.

Rang takin Kumar chu Salem City damdawi in lamah tlanpui nghal a nia, Dr. Ralajnathan chuan an enkawlna chuan awmzia a nei chho tih Times of India a hrilh.

Kum 74 a upa Kumar hi a unaupa, Saravanan’an a thi tawh ani tiin a tang tlata, freezer chhunga a kut a che lai an hmuh thu an hrilh pawhin “A thlarau in a la chhuahsan rih lo a nih hi” a la ti fan a ni.

Tianga a unaupa thi si lova Freezer bawma dahtu puh Saravanan kum 70 mi chu man a la ni rih lo tih an sawia, rilru lamah diklohna a neih an rinthu an sawi.

Police Officer chuan he thilah hian a tul dan anga hmalak an tum thu Times of India a hrilh.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!