Your Daily News

Film Bawlhhlawh Siamtua Puh Raj Kundra Thil Tihah A Nupui Actress Shilpa Shetty A Inhnamhnawih Em Tih Police-ten An Chhui

0 1,969

India rama milarte khawsakdan hian sawi a hlawhin, an hun tawp lamah harsat lian tham tak tak thil eng engemaw an tawk ta fo mai!

Hmanni lawk khan Mumbai Police, Crime Branch lam chuan Indian Actress lar leh chhelo tak Shilpa Shetty pasal sumdawng hausa Raj Kundra chu film bawlhhlawh siam leh thehdarh kaihhnawih thubuaiah manin thubuai an siamsak zui bawk.

Raj Kundra rual hian he sawrkar phalloh a ruka kalpui thubuai kaihhnawihah mi 5 an man bawka, an mi mante hi mipa 3 leh hmeichhia 2 te an ni.

Raj Kundra ber thubuai liantham tak kaihhnawiha man a nih takah chuan a nupui actress Shilpa Shetty pawh a pasal thil tihah hian inhnamhnawihna a nei em tiin, an chhui zui nghal bawk.

Press conference an neihnaah Mumbai Police-te chuan Raj Kundra leh Bollywood actress lar ni bawk Shilpa Shetty chu a pasal film thalo siamnaah hian a inhnamhnawih lo tih an tarlang thung a ni.

Joint Commissioner of Crime Branch, Mumbai Police hotupa chuan actress Shilpa Shetty hian a pasal a thurualpui lo tih sawiin, thil awmdan an chhui zui mek tih a tarlang bawk. He thangkama awkte atangin engkim an hriatfiah a beisei thu a sawia, Crime Branch lam chu an mahni dawngsawng turin an inpeih reng a ti bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!