Your Daily News

Film Bawlhhlawh Case Avanga Thla 2 Chhung Jail A Dah An Nih Hnuah, Raj Leh Thorpe-te Chhuah An Ni

0 1,258

Thla 2 chuang film bawlhhlawh siamna lam kaihnawih case avanga jail a dah luh an nih hnuah, Shilpa pasal Raj Kundra leh a thurualpui Ryan Thorpe te chu bail a chhuah lailawk an ni.

July 19 khan sumdawng hausa leh Indian actress lar Shilpa Shetty pasal ni bawk Raj Kundra chu Film bawlhhlawh siamna kaihhnawihah Police ten an man a, he dan phalloh sumdawnnaah hian mawhphurtu ber a ngaih a nih avangin phek 1500 zet a chhah thubuai an siamsak nghal a ni.

Hetia Raj Kundra man a nih hnu hian a nupui duhtak Shilpa Shetty ve thung chuan a pasal thil tih leh hurherh video siamna lama a inhnamhnawih dan chu a hriatpui hauh lo niin Police te hmaah a sawilang thung a ni.

Shilpa Shetty chuan hmanni mai khan Jammu & Kashmir a Vaishno Devi a tlawh a, he hunah hian police ten venhimna pein sakawr chungah a chuang tih hriat a ni.

A zin chhung zawng hian “Jai Mata Di” chu a chham tluanchhuak thak tih an sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!