Naupianghlim paihtu a nu chu police ten an man tawh a, tunah a chungthu rel mek anih thu Lahtha police ten chanchinbumite hnenah an hrilh.
December ni 11 khan rangoon khawpui Lahtha veng group 2 na street no 17 leh 18 inkarah bawlhhlawhbawmah nausen tap thawm an hria a, bawlhhlawhbawm chhung an va en chuan nausen pianghlim a laihrui pawh la zai chah loh an va hmu a ni.
Nausen paihtu hmeichhia kum 23 hi Han Tha Wady atanga rawn kal Rangoon khawpuia awmpui hnathawk a awm ani a, tuna a fasen a paih tak bakah an khuaah fa dang pahnih a neih thu hriat ani bawk. A awmnate hian an awmpuinu hrai thu an hriat loh mai bakah he nausen paih chungah hian engmah an hriatpui loh thu police te an hrilh.
Naute hi Hospital ah enkawl dam anih hnu January ni 10 khan a pi hnenah hlan a ni. Health organization leh sorkar hnathawktu ten naute enkawl nan hian a pi hnenah Myanmar Kyat nuai 6 an hlan bawk.
Naute nu hi police court chaun tualthat tumna case 370 hmangin a chungthu an rel mek a ni.