Your Daily News

Fanu 5 An Neih Tawh Hnuin A Nupui Naupai Mek Chu Mipa A Ni Em Tih Hriat Tumin A Pum A Zaithlersak

0 1,148

India ram, Uttar Pradesh pa pakhat chu a nupui pum zaithlersakin hmeichhia nge a nih mipa tih en a tuma police-ten an man nghal tih hriat a ni.

A nupui nen hian fanu 5 an nei tawha mipa neih ve a duh em avangin he thil hi a tih phah a ni tiin a nupui chhungte chuan an hek zui ta nghala an man phah ta a ni.

A nupui kum 35 mi chuan hliam na tak a tuara Bareilly hospital lamah enkawl mek a ni. A nupui naupai chu thla 7-na a ni tawha, pa ber Pannalal pawh a thil tih rapthlak tak avang hian thubuai siamsak a ni tih an sawi.

India ramah hian hmeichhiaten an naupai chu mipa nge a nih hmeichhia tih en phal a ni lova, mipa hlir fa duhte chuan hmeichhia anih chuan nu pumchhungah an that zui thin a ni.

Hei mai bakah hian hmeichhe pawngsual pawh hriat tur a tam hle a, a bikin UP ah hian a hluar zual bik a ni. 2018 kum pawh khan Uttarakhand state chhunga khua 132 ah hmeichhia fa nei an tlem em avangin thuneitute an mang ang tak zet tih an sawi.

Thla 3 chhungin nausen 216 an pianga, an vaiin mipa an ni nghe nghe. Accredited Social Health Service (ASHA) hnathawktute pawhin thil fello a awm ngei an rinthu an sawia, chhui a ni dawn tih an sawi bawk. (Indiatimes)

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!