Your Daily News

Exam Laiin Nula A Pawngsuala, Zirlai Naupang 12-ten An Lo En Liam

0 1,082

India ram, Uttar Pradesh, Jhansi College Campus chhungah pa pakhatin nula a pawngsuala, zirlai mi 12 lai chuan lo en liamin a thenin video in an lo la zui.

Zirlaite chu exam an neih lai tak ania nula chu a thian mipa hmu turin College Campus chhungah a lut tih an sawi. Heng zirlaite hi sawrkar hna ruak hnawhkhah nan exam bei an nia, police-ten an lo veng nghe nghe.

Hetiang venhimna a awm chung pawha nula pawngsual thawm an han hre ta mai chu mipuite pawhin mak an ti hle. Nula kum 17 mi leh a thianpa chu zirlai midangten an lo sawisaa nula chu room chhungah an lo pawngsual zui ta a ni.

Police-ten nula tap thawm an hriat chuan an va kala hmeichhia kum 17 mi chu hmuin thil awmdan an zawt ta nghala, thil awmdan a sawifiah hnuah a lung lam a that loh avangin damdawi in lamah an kalpui ta ta nghal tih an sawi. Pawngsualnaa mawhphurtu ber a puh Bharat leh a thianpa Rohit Saini chu police-ten an man tih hriat a ni. An pawisa Rs.2,000 pawh misualte hian an laksak zui niin an sawi.

He thubuai kaihhnawihah hian zirlai naupang lo inhnamhnawih midangte pawh an zawn mek thu an sawi. Police-te chuan helai hmuna exam viltu leh security gaurd lam pawh thubuai nei thei dinhmunah an ding niin an sawi bawk. (Daily Star)

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!