Your Daily News

›Video‹ “Enkawlna Tha Dawng Ila Coronavirus Vangin Ka Thi Lo Tur” Tiin Indian Actor Leh Vlogger In Thu Hnuhnung Lungchhiatthlak Tak A Sawichhuak

0 2,593

Indian Actor lar leh Vlogger ni bawk Rahul Vohra kum 35 mi chu vanduaithlak takin May 9 (Sunday) khan COVID-19 natna nunrawng chuan manin Delhi Hospital-ah a thi ve leh ta!

Actor leh YouTuber lar Rahul Vohra thih thu hi a nupui Joyti Tiwari chuan Thawhtan ni khan Instagram kaltlangin a tarlang a, Vohra damdawi ina natna khumbeta a awm lai video tawi chuan a zui nghal a ni.

Vohra Video hnuhnung hian mite ngaihtuahna a luah hneh hle a, India sawrkar pawh a mualpho tel niin a ngaih theih awm e. A luhna Delhi damdawi ina thawkte tan pawh a mualphothlak hle a ni. A sawi danin, ” Oxygen khamkhawp hip tur neilo tan chuan thih mai chu hmabak ani. Oxygen kan dawn that loh avangin thawklehkhatah kan chau ngawih ngawih a ni ber. Damdawi ina hnathawkte hnenah mamawh kan thlenin darkar 1 liam hnuah te an lo lang thei chauha, an lo thlen hma loh chu harsa takin mahni tala tal a tul thin a ni. tiin thu lungchhiatthlak tak mai chu a thih hmain a hnutchhiat zui a ni.

Actor Rahul Vohra hian May 8 liam ta pawh khan COVID-19 avangin a damkhawchhuah a beisei loh thu PM Modi hnenah thu thawnin, an enkawl danah a lungawi loh thu a lo hrilh daih tawh bawk a ni. “Enkawlna tha dawng ila ka thi lo tur, tunah chuan chakna ka nei ta lo” tiin.

A nupui Tiwari pawhin a pasal thihna chhan ber chu enkawlna tha a dawn loh vang leh damdawi ina thawktuten an ngaihsak tawk loh vang niin media kaltlangin a sawi lang ve bawk.

Actor Rahul Vohra leh a nupui Tiwari-te hi an inneih atangin thla 6 a liam awrh a, kum khat em pawh a ral hmain a pasalin duhtak chuan COVID-19 vangin a kalsan leh ta sia, a lainatawm tak zet a ni. A pasal tawngkam hnuhnung a pholan laia a caption chuan mi thinlung a hneh hle a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!