Your Daily News

Damdawi Ruitheih Thubuai Kaihhnawihah Actor Lar Shah Rukh Khan Fapa Aryan Khan Kum 23 Mi Chu Man A Ni

0 1,805

India ram milarte zingah hmingchhiatna a hluar chho mek zel a, rinphak bakin milar thenkhatte thil thalo tih chu a irhchhuak mek zel a ni.

Hmanni lawk khan The Narcotics Control Bureau (NCB) chuan Bollywood Superstar Shah Rukh Khan fapa Aryan Khan chu damdawi ruihtheih thubuai kaihhnawihah an man tih hriat a ni. A rual hian midang 2 te pawh NCB chuan an man tel bawk.

Inrinni liam ta khan Mumbai-ah NCB chuan sawrkar phalloh damdawi tawlhruk kaihhnawihah Cordelia Cruise’s Empress Ship chu an dap a, he hunah hian Shah Rukh Khan fapa Aryan Khan chu finfiahna an lakkhawm hnuah an man zui ta a ni. Aryan bakah hian damdawi ruihtheih thubuai kaihhnawihah hian midang 2 an man tel bawk.

Aryan Khan chu man a nih hnu hian NDPS Act hnuaiah thubuai siamsak niin Police ten an hreng mek a ni. Aryan Khan thurualpui nia sawite chu Munmun Dhamecha leh Arbaaz Merchant te an ni.

An 3 hian Narcotics Drugs and Psychotropic Substance, Section 8 (c), 20 (b), 27 leh 35 hnuaiah man an nia, an 3 hian Mumbai Magistrate Court ah an inlan tura tih an ni.

Arrest memo atanga a lan danin, Aryan Khan chuan damdawi ruihtheih a khawih bakah, a hralhchhuah leh lei lamah pawh a inhnamhnawih niin tarlan a ni. Hei bakah hian Cruise an dap laiin NCB chuan Cocaine 13grams, Hashish 21grams leh MDMA 22 (Ecstacy) pills an man tel bawk a ni.

Aryan Khan’n bail a chhuah a dilna chu hnawl a ni a, kar 2 chhung vel chu Police kutah a awm rih a ngaih hmel a ni. Vawiin khan Aryan Khan chu video call hmangin a nu leh pa te biak phalsak a nia, video call ah hian a mittui a tla nghe nghe a ni. A nu leh pa ten a ei in leina atan danin a phalsak chin pawisa Rs.4200 an thawn tih hriat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!