Your Daily News

Damdawi In Staff-ten Covid-19 -Ve Result An Hralh

0 687

Hmanni lawka Meerut Private Hospital, UP-a thil thleng hian ngaihtuahna a tibuaiin he thil hian mi a tiralṭi leh zual hle. Ram pumah natna avanga kan buai em em lai leh mi tam tak harsatna kan tawh laia heng ang thil duhawm lo tak thleng hi thil pawi tak a ni.

Meerut, Private Hospitala thawk staff chuan Covid-19 positive ni si, nagative anga report ziah lanna lehkha pakhat ah Rs. 2,500 zelin a hralh tih hriat a ni. He a chetlak lai hi videoa lak niin social media lamah a darh zui ta a ni.

Covid-19 negative result siamsak tura Hospital manager leh mi thenkhatte an indawr lai video hi darh zuiin, he video ah hian manager hnenah mi pakhatin Nagative result lei nan Rs. 2000 a pek lai leh a hnuah Rs 500 a pek belh leh tur thu a hrilh lai chu chiang takin a hmuh theih a ni.

Tianga Covid-19 negative result an lei chhan chu mite thin hrik an nih loh nan leh kar hnih khat chhung harsatna an tawh loh nan negative anga lan chu an duh tih an sawi an sawi a ni.

Meerut Chief Medical Officer chuan he thil duhawm lo tak thleng hi chhui chiang turin order a siam nghala, district magistrate chuan damdawi in licence pawh a tih tawp nghal tih hriat ani.

Tunah hian damdawi in neitu lakah thubuai thehluh niin an chhui chian mek thu thuneitute chuan an sawi a ni. Pawisa duh vanga tianga an che ta mai hi rapthlak tak a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!