Your Daily News

DAM CHHUNG LUNGIN TANG TURIN

0 786

Pagu bial law office hotu Daw Tinggisuh chuan a awmpui Daw Kayinmah chu nasa taka a tihduhdah vangin a thi a, victim lam Ukil chuan tual thah case chauhva hrem duhdawk lovin dam chhung lungin tang thei turin a bei dawn tih a ni.

He nu case hi January 23 khan Tanhlin courtah a tum 25na chhuizuina an neih tumah bial Judge chuan dam chhung lungin tantheihna a ni a ti.

A thi ta he Mah Kayinmah a hming tak Mah Khin San Dar Oo hi kum 40 mi a ni a, a awmna nu hi kawl, hmeichhiaah chuan nihna sang tak, Pagu bial Law officea hruaituber(ka hriatsual loh chuan) a ni. He kawlnu hian a chhiahhlawh Karennu hi a vel hrep a ni ang, a chet theih tawh loh hnuah Kha Tih Yah khua, Twentay township, Karenu khuaah 2018 May 19 khan a thlah hawng a, an thenawmte hnenah a dam lova ka rawn hawn tir, hei hi a pawisa a ni tiin cheng 180000kyats a pe an ti. He Karennu hian thenawmte hnenah damdawiah mih kal pui rawh u tiin tanpui a han dil chuan thenawmte chuan an zawt fiah ta a, a awmna nu hian thi ruah puhin a pet a, Tanakha hawhna lungphekin a chhu a, puan hnawhna (iron)in a nawt bawk tih a hrilh ta a ni. Lal leh upate sawma an han enfiah chuan a lu,a chal, khabe,biangruhah te kutthlakna an hmu a, a malpui leh a hnungzangah iron a nawhna an hmu bawk. Damdawiin phur tura an inbuatsaih lai mek chuan a nunna chuan a tuar ta lova, a thi ta a ni.

A tirah chuan kum tam lungin tang turin an ti lawka, mahse tunah chuan dam chhung lungin tan a phu tiin case an siam nawn leh ta a ni.

source ‘mizzima’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!