Your Daily News

Cyclone Nivar In Andra Pradesh Thingtlang Khawte Taktea Chêngte Tan Malsawmna A Thlen

0 1,241

Andra Pradesh, East Godavari district a awm Uppada khua hi thingtlang khaw te takte niin a hming hria pawh kan vang viau in a rinawm. Tuipui kama awm a nih avangin tuiin a chim belh zel a, a mi cheng pawh an pun belh thei lo a ni. He khua hian silk saree an siamchhuak nasa hle tih hriat a ni.

Uppada khua hi Cyclone Nivar in a nuai vak maia, leimin nasa tak a thlen zui niin an sawi. Tianga Cyclone Nivar in an khua a nuai vak hnu hian mak tak maiin rangkachak a lo chhuak niin TOI chuan a tarlang.

He khua a chengte chuan November 27 khan tuifinriat kama rangkachak lo chhuak chu an chhar nual niin an sawi. Rangkachak a awm thu hi a darh veleh mi 50 vel chuan local rate in rangkachak 180,000 man hu vel an chhar tih an sawi ani. Mi pakhatin Rs.3,500 man hu an chhar theuh anga chhut a ni.

Heng rangkachakte hi engtia lo awm nge a nih hriat chian a ni lova, tualchhung police-te sawidanin a hmain he khua ah hian leimin avangin Temple 2 a lo tluchhe tawh niin an sawi a, hman laia an lo tih dan thin angin Temple din a nih dawn hian a innghahna foundation ah rangkachak an phum tel thin niin an sawi.

Hun rei tak hnuah Temple a lo tlukchhiat hnuin heng rangkachakte hi leiminin a sawn kuala, a hnuah leilung che vel avangin leichunglang ah a lo lang chhuak leh thin a ni.

Local Sub-Inspector Lovu Raju chuan Cyclone Nivar chakna chuan tuifinriat mawnga rangkachak tlingkhawmte chu tuipuikamah a lo thehchhuak ani mahna tiin a sawi ve thung. Heng rangkachakte hi mi zawng zawngin an chhar bik lova, mi vannei bikten an chang ani a ti bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!