Your Daily News

COVID-19 Vaccine Pek Tiama Nalh Taka An Bum Hnuah Mipa 2 In An Pawngsual

0 649

Report-na in a tarlan danin India ramah hmeichhe pakhat chu mipa 2 ten Coronavirus Vaccine pek tiama an bum hnuah an pawngsual tih hriat a ni.

Pawngsualtu mi 2 te hi Rocky leh Montu te niin, pawngsual tawktu hmeichhia nen hian Bihar state, Patna Health Centre-ah an intawnga Coronavirus vaccine pek tiama an thlem lungawi hnuah an pawngsual zui ta a ni.

Mipa 2 Rocky leh Montu-te hian hmeichhia hi Coronavirus vaccine an pek theih thu an hrilha, hmeichhia pawh chuan an thutiam chu lo pawmpuiin in pakhatah an luhpuia an pawngsual ta mai niin report-na chuan a tarlang.

Pawngsual tawktu in Police-te hnena a sawidanin mipa 2 te hian a kut leh ke hruiin an phuara, a ka rawmawl in an hup zuia duh ang zan in an pawngsual tih a sawi a ni.

India ram chu COVID-19 natna second wave in a bawh mek a, mi tam tak an thih tawh bakah natna kai an pung nasa em em a ni. US, Mexico leh Brazil ram tih lohah chuan India ram chu khawvel ah virus in a nuai nasat ber ram a tling a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!