Your Daily News

COVID-19 Damlo Chu Hospital Gate-ah A Thi, A Fanu Lungchhia Chuan A Thih Chhanah Health Minister A Puh

0 623

State health minister Banna Gupta chuan Jharkhan damdawi in a endik mek laiin COVID-19 vei damlo kum upa tawh lam chu a thi tih hriat a ni. Damdawi ina hnathawktute chuan damlo chu minister in damdawi in a endik chhung lo nghak tura an tih avangin Gate-ah a boral zui ta a ni.

COVID-19 damlo Lav Kumar Gupta Hazaribag hmuna khawsa chu Thawhlehni tuk khan Ranchi Sadar Hospital-ah kalpui a ni. Gupta hi hmun tam takah kalpui niin damdawi in khum indaihlohna a nasat avangin hnawl a nia, an beidawn tawpah a chhungten Sadar Hospital an panpui ta a ni.

Mahse, damdawi in an thlen chuan state health minister in damdawi inchhung chu a lo endik meka, a chhunga thawkten darkar chuang fe stretcher nen pawnah lo nghak tura an hrilh hnuah a thi zui ta a ni.

Rei tak pawn lamah minister an nghah hnuah Gupta chu admit a nia mahse, a taksain a tlin ta lova a thi tih an puang zui nghal a ni.

Video a landanin mithi chhungte hian minister chu damdawi in atanga a lo chhuah veleh an lo hmachhawn nghala Gupta fanu phei chu ang nasa hle a ni.

Mahse, tumah tanpuitu leh thlamuantu pawh an hmu zo ta chuang lo a ni. Minister sawidanin Sadar damdawi inah hian khum leh damdawi lam an indaih thawkhat tih a sawia, a tul anga hmalak zel a nih tur thu a sawi lang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!