Your Daily News

COVID-19 Atanga Damchhuak Ta Loneitu Putar Chuan Amah Enkawltu Doctor Hnenah Lawmthu Sawi Nan A Leilet Buhthar Ngat A Temtir Ve

0 266

COVID-19 hri hlau leh mang ang reng renga hun kan hman lai leh pawn pawh chhuak ngam lova inchhung luma kan awm laiin Doctorte leh damlo enkawltu dang mi tam tak chu chhun zan hlenin natna veite an enkawla an chawl hman meuh lo a ni.

Heng hna thawktute hi chawimawi leh fak an phua, theih ang anga duat pawh an phu reng a ni. An hna alawm kan ti taknaa an thawhrimna hi nang leh kei hian kan tlin ve lo nasa a ni. COVID-19 natna hrik chu tunhnai maia natna hmuhchhuah thar a nih avangin damlote enkawl dan leh tuamhlawm dan pawh doctor-te tak ngial pawhin an zir chawp ve tho a ni. Thih leh dam inkarah an dinga an lainatawm ling let zawk a ni. An inpekna a ropui tih loh rual a nilo.

Damlo enkawlna ah natna kai palha doctor thi ta tam tak sawi tur an awm tawh a ni. India ramah ngei pawh hna thawktute an hah em em a ni. Hetih lai hian India rama lo neitu putar pakhat chu COVID-19 a vei tih hmuhchhuah a nia, damdawi in lamah enkawlna pek a ni. Ni 12 chhung zet chu thi lek lekin hun a hmanga, ventilator vuahin a chau hman hle ani.

Theih tawp chhuaha doctor-ten an enkawl hnuah a ni 15-na ah chuan a natna chu hnehin in lamah hawtir a ni tih an sawi. He putar hi a thlawnin enkawlna pek a nia, tianga natna hlauhawm tak lak atanga a nunna chhanchhuaktu doctor chu chawimawia lawmthu sawi ve a tum ta a ni.

He putar hian sum leh pai pek tur a nei ve silova, a leilet a mi ngei Buh thar hlam tak mai chu lawmthu sawi nan, amah enkawltu Doctor chu a hlan ve ta a ni. Lawmna chang a hria hi a fakawmin a fel tak zet a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!