MNF MLA Lalruatkima chuan, Congress sorkar chu hmasawnna hna thawh lam aiin, nuam tâwl lam ringawt a buaipui niin a sawi a, “Pathian leh kan ram an hlamchhiah a ni,” a ti.
Vaivakawn MNF Unit buatsaih mi thar lawm luh inkhawm a hmanpuinaah Lalruatkima chuan, “Kan hrawn mek Congress sokar hi Titanic lawng chhe thei lo anga ngaiha chuangah inngaiin, minister leh hotu dangte hian an zia an chhuah mek. Titanic lawng keh chhe meka chuang Congress mipui tam takin chhanhimna lawng MNF an rawn bêl mek a ni,” a ti.
Lalruatkima chuan, inkalpawhna kawng a ṭhat loh avangin mi tam takin harsatna an tawk tih sawiin, “Ei leh bar bakah, bungraw phurhna kawng a chhe em em a, thingtlang lamah phei chuan kawng a chhiat nasat avangin thil man a to phah a ni,” a ti a; pawi a tih thu a sawi.
Credit, vanglaini