Your Daily News

Class 12 Zirlai Naupangin COVID-19 Natna Hrik Tihlum Thei Hmaihupna (Face mask) A Siamchhuak

0 2,395

Bengal, Purba Bardhaman district a cheng Pawl 12 zirlai hmeichhe naupang Digantika Bose chuan Coronavirus natna hrik tihhlum thei Face mask a siamchhuak tih a sawi. He a face mask siam chhuah hi Mumbai a Google’s Museum of Design Exellence ah a phochhuak dawn a ni.

Digantika Bose in Indiatoday.in a hrilh danin he a face mask siamchhuah ah hian pindan 3 a awm a, bawlhhlawh paihbotu (negative ion generator) a awm bawk. Pindan 2 naa boruak lut chuan pindan 3 na a thlen chiah khan chemical chamber an tih mai sahbawn leh tui chawhpawlh chu a thleng nghala, pindan 3-na hian Coronavirus chu a lo tihhlum ta a ni.

He mask hi Covid-19 hrik la kailote tan a that mai bakah, COVID-19 vei tawhte tan pawh pawh a tha hle. Covid-19 natna kaitawhten he mask an hman hian an mahni atanga natna pawn lama lengdarh tur khan pindan 3 a kaltlang hnuah a lo tihlum nghal thei bawk a ni.

Tunah hian Digantika Bose Pawl 12 zirlai chuan he a thil hmuhchhuah hi state health department thuneitute hnenah enchhinna kalpui turin ngenna a thlen tawh tih a sawi a ni.

He hmeichhe naupang chhuanawm tak hi APJ Abdul Kalam Ignite Award lawmman vawi 3 zet hlan a ni tawha a hma hun a eng khawp mai.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!