Myanmar ram-a kan chipui zofate chenna Chin hill ah a hmasa ber tur atan airport sak ani tak tak dawn ta reng mai. Chin hill a Airport sak ani mai tur hi Myanmar rama zofate tan chuan mumang a anga mahse chanchin lawmawm tak pawh a ni.Chin hill khawpui khawihmun berah nge Airport hi sak anih ang tia hun rei tak chhung sorkarin a ngaihtuah hnuah chuan Falam khawpuiah airport hi sak ani dawn a ni.
Fahlam khawpui a airport sak nan hian tunah hrih chuan budget 5 billion kyats a awm thu bakah sak tan anih thu Myanmar air transportation lama thuneitu chuan a sawi. He an budget hi NLD sorkar thar atanga an dawn anih thu an sawi tel bawk.
Airport sak tur hi sorkar hlui atang tawh khan thu tih tluk fel vek ani tawh a, mahse sorkar hlui atang kha chuan sum nuai 1000 lek lek a budget an dawn avangin hna a sawt lo hle niin an sawi. Airport hi 30 billion kyats vel senga sak zawh theih tura ruahman ani bawk.
Falam airport hi runway feet 6,000 chauh a sei anih dawn avangin Domestic ( ram chhung ) flight te bak a dawl zawh dawn loh thu an sawi bawk. Budget an dawn dan a zirin kum 2020 emaw 2021 ah an sak zawh theih tur thu an sawi.