Your Daily News

Chhungkaw Pakhatah Mi Pakhat Tiam Loin, A Khaw Pumin COVID-19 An Kai

0 842

Himachal Pradesh, Lahaul, Thorang khua ah mi pakhat tiam loin midang zawngin Covid-19 an vei tih hmuh chhuah a ni. He khuaah hian kum 52 mi Bhusan Thakur chauh chu test neih laia negative awm chhun a ni tih thuneituten an sawi. Bhusan Thakur chhungte mi 5 pawh an positive a ni.

Thorang khua hi a mi cheng awm zat anga chhutin Himachal Pradesh state ah bik chuan COVID-19 in a khawih nasat berna hmun a ni. Tun dinhmunah mi 856 in an vei mek tih an sawi.

June 30, 2020 khan Himachal Pradesh, Lahaul-Spiti ah hian mi pakhatin COVID-19 a kai tih hriat chhuah a nia, hetih lai hian a state pumah mi 26 in a vei tih an sawi a ni.

Thorang khua ah hetiang em em a COVID-19 a huangtau chhan chu hman ni lawk atang khan sakhaw lam hawia punkhawmna huaihawt a nih thu an sawi a, hei hian rin phak bakin nghawng a nei chho ta a ni. Mipui punkhawmna ang chi chu natna a darh chhan berah an puh bawk.

The Times of India in a tarlan danin an khaw chhehvela chengte pawhin natna kai an hlau hle tih sawiin, state thuneitute pawhin Ningani atang khan khualzin lut turte chu an lo dang tawh a ni. Helai Thorang khua leh a chhehvel chu tumah tlawh pawh theih loin an khar fela, thu leh awm hma chu complete lockdown a ni tih an tarlang.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!